En nú er kominn tími til að taka upp þráðinn og ætlum við að gera okkar besta til þess að halda verkefninu við. Tökur munu hefjast aftur á næstu vikum þegar endurskipulagi verkefnisins hefur verið lokið.

Við förum kannski hægt en við ætlum ekki að stoppa.

Þangað til næst: Upplausn á Facebook og Upplausn á twitter.

HönnunarMars

Hönnunarmiðstöðin stendur fyrir HönnunarMars þessa dagana.

Það er því gósentíð fyrir Upplausn en stefnt er á að taka upp heilmikið af efni núna um helgina. Meðal þess sem verður myndað er sýning Sigga Eggerts í Apótekinu, fyrirlestrar hönnuða í Þjóðminjasafninu, FÍT sýning í Saltfélaginu og Pecha Kucha.

Alli Metall

Fyrsta viðtalið fór fram 10. febrúar. Viðmælandi okkar var Alli Metall og fór upptakan fram heima hjá honum í góðu yfirlæti. Alli Metall er hönnunarstjóri hjá auglýsingastofunni Gott fólk og hefur unnið til viðurkenninga og verðlauna fyrir verk sín.

Alli Metall útskrifaðist úr Listaháskóla Íslands árið 2005 og hefur mikið fengist við að hanna fyrir tónlistarmenn, m.a. Mugison. Hann er jafnvígur á prent og vefmiðla og leggur áherslu á fjölbreytileika til að halda sér skapandi og ferskum.

Alli Metall hefur fjölbreytt áhugasvið en fyrir utan hönnun og stundar hann ljósmyndun, útiveru og ferðalög en áhugamálin nýtir hann til að gefa nýjum hugmyndum tækifæri til að fæðast.

www.allimetall.com